Page Contents:
العودة للمدارس: المدارس قرّبت، وكل الأمهات والآباء بيبدون يدخلون نفس الدوّامة من جديد. وش نحتاج هالسنة؟ وش أهم الأشياء اللي لازم نشتريها لعيالنا عشان يكون الترم سهل وخفيف ومفيد لهم؟
المشكلة دايمًا فـ حاجتين أولها الترتيب، لأنه هو أساس كل شي و إذا رتّبت بتعرف وش ناقصك بالضبط. وثاني شي، لازم تشوف أسعار الأغراض عشان تقدر تشتري اللي تحتاجه بسعر مناسب.
وإذا جينا لل”السعر المناسب” أكيد بنتكلم عن يجني، اللي مجهز لك أحلى تخفيضات العودة للمدارس عشان تجهز اولادك وتوفّر بذكاء من خلال أمازون كاش باك و أكواد الخصم.
من خلال هذا المقال، بنتكلم عن أهمية الترتيب، ونسرد لك أهم ٧ أشياء لازم تشتريها قبل أول يوم دراسي.
الترتيب
الترتيب له فوايد كثير أولها إنك بتصير شايف قدامك وش تحتاج، يمكن ولدك عنده أغراض ما استخدمها السنة اللي راحت فتوفّر على نفسك إنك تشتريها من جديد هالسنة. غير كذا، ممكن تنسى شي و تفتكر إنه موجود و سليم، و في وقتها يكون ولدك محتاج النسخة الأحدث منه عشان تساعده خلال يومه الدراسي بشكل صحيح. بعد الترتيب، بتبدأ تركز على وش الأهم من الثاني، و من هنا تقدر تقسّم مصاريفك بشكل صحيح و بطريقة تفيد ولدك و تجيبلّه اللي يحتاجه أول.
أهم ٧ أشياء لازم تشتريها قبل أول يوم دراسي
مستلزمات المكتبة
مع إنها بسيطة بس تعتبر من أهم الأغراض. لازم أقلام، محاية، براية، كراريس، و كل شي يكون كامل لاولادك عشان يبدأون الموسم الدراسي و هم جاهزين ومركزين.
و برضه حافظ إنك تختار أفضل جودة في هالأغراض، عشان ما تضطر تشتري غيرها من جديد بعد فترة قصيرة. و مع تخفيضات الرجعة للمدارس، بتلقى كل هالأشياء بأفضل الأسعار على يجني.
اللانش بوكس
صحة اولادك هي الأهم، و المهم إنك تضمن أكلهم خلال اليوم الدراسي يكون جاي من البيت و تكون متأكد من مصدره.
عشان كذا، لازم تهتم بصندوق الغذاء يكون حجمه مناسب و سهل الحمل، و بعد متقسم بشكل عملي عشان تقدر تحط كل احتياجات ولدك الغذائية.
شنطة المدرسة
خلّ اولادك يختارون الشنطة اللي يحبونها وتعبر عن شخصياتهم بس لا تنسى الجودة، و ركز إن حجمها و مساحتها تكون مناسبة للي يحتاجونه كل يوم.
جزم خفيفة ومريحة
مع إنها ما لها علاقة مباشرة بالدراسة بس نزول اولادك للمدرسة كل يوم يتعبهم جسديًا، خصوصًا مع المشي الطويل، الوقفة، و اللعب مع أصحابهم. عشان كذا، ضروري تشتري لهم جزم جديدة تكون خفيفة و مريحة تساعدهم يمرّون يومهم براحة و تحميهم من التعب و الإرهاق.
و ما تحتاج تحتار، على يجني بتلقى تشكيلة كبيرة من الماركات اللي متخصصة بهالنوع، زي أديداس، بوما، ونيو بالانس، وكلها بأحدث الموديلات وأرخص الأسعار مع تخفيضات الرجعة للمدارس.
زمزميات
شرب الموية و الترطيب واجد مهم لاولادك خلال يومهم الدراسي، و بسبب انشغالهم باللعب و الحصص ممكن ينسون يشربون.
عشان كذا، اشتر لهم زمزميات شكلها حلو و تلفت انتباههم عشان تخليهم يتذكرون يشربون موية كل شوي. بعد، اختر لهم الزمزمية المناسبة من حيث الحجم عشان تساعدهم في الحركة.
تابلت أو لابتوب
على حسب المرحلة العمرية لاولادك لازم يكون عندهم أجهزة تساعدهم يذاكرون و يتعلمون عليها. إحنا الحين في عصر التقنية و كل وسائل التعليم صارت مرتبطة بالأجهزة الإلكترونية.
إذا ولدك أو بنتك في الابتدائي، التابلت بيكون أنسب لأنه سهل الاستخدام، خفيف، و مناسب للقنوات التعليمية اللي يستفيدون منها. أما إذا كانوا في المتوسط أو الثانوي، فاللابتوب بيكون أهم عشان يقدرون يذاكرون، يبحثون، و يجهزون واجباتهم بكل سهولة.
و لا تشيل هم الأسعار، تخفيضات يجني في موسم الرجعة للمدارس غير كل سنة!
تقدر تشتري الجهاز اللي تبيه بأقل سعر، سواء من أمازون، نون، أو أي متجر تحبه، من خلال أكواد خصم قوية، و كمان كاش باك يرجع لك جزء من فلوسك و يوفّر عليك كثير.
الكتب والمراجع
لو اولادك في مراحل دراسية كبيرة، من المفيد إنك تطّلع على المواد اللي بيدرسونها هالسنة و تشتري لهم الكتب اللي يحتاجونها سواء كتب دراسية أو مراجع خارجية تفيدهم وقت البحث و المذاكرة. بهالطريقة، اولادك بيتأسسون بشكل صحيح و بيصير عندهم فهم إن البحث و التفكير العلمي هو أساس التعليم، مو بس معلومات تنحفظ عشان الاختبار و بس.
الخاتمة
بالأخير، موسم الدراسة يُعتبر من أهم المواسم السنوية لكل الأمهات و الآباء وحتى الأطفال. و بدايته دايمًا تكون متعبة شوي لأن التحضيرات تحتاج أشياء واجد كثيرة، و من السهل جدًا يصير فيها صرف زايد على أشياء ما لها داعي.
عشان كذا، دايم نحب نذكّركم بأهمية الترتيب و تحضير قائمة تسوّق قبل تبدأون تجهزون أي شي، عشان تعرف وش تحتاجون بالضبط و تتحكمون بمصاريفكم و توفرون فلوسكم بالطريقة الصح بدون ما تضطرون تستغنون عن احتياجات اولادكم.
رتّب أولوياتك و شوف وش اللي ضروري، و اشتر الأشياء المهمة أول و بعدين شوف الباقي. لا تستعجل، و خلك ذكي في اختياراتك. و فوق هذا كله، لا تشيل هم، يجني دايم معك و مع اولادك في كل موسم وكل مناسبة.
مع موسم تخفيضات الرجعة للمدارس، كل اللي عليك إنك تجهز قائمتك و تدخل على التطبيق و بتلقى كل اللي تحتاجه بأفضل الأسعار، و من المتاجر اللي تحبها.
وفر وقتك و مجهودك، و خلي يجني يسهلها عليك و يوفّر لك، عشان تبدأ انت واولادك السنة الجديدة بكل حماس وثقة.
